Оскуола учууталларынан...

Оҕо билиитин хаҥатар, өйүн-санаатын сайыннарар уонна иитиллиилээх аналын олоххо киллэрэр төһүү күүһүнэн учуутал үтүө өҥөтө, сыралаах үлэтэ уонна ураты ньымата буолар. Бырама сүрүн уопсай үөрэхтээһин оскуолатыгар айар-тутар талааннаах, киэҥ билиилээх-көрүүлээх, баай уопуттаах, айымньылаахтык үлэлиир учууталлар бааллар.

Бу оскуолаҕа оҕону үөрэтиигэ-иитиигэ элбэх баай уопуттаах, мындыр өйдөөх, өр сыл бэриниилээхтик алын кылаас учууталынан үлэлии сылдьар Людмила Петровна Пестерева буолар. Людмила Петровна – «СР Үөрэҕириитин Туйгуна», «Учууталлар учууталлара» үрдүк аат, «Маҥнайгы учуутал» бэлиэ, РФ Үөрэҕин министерствотын Бочуотунай грамотатын хаһаайката. Кини баай уопута, айымньылаах үлэтэ улууска, республикаҕа тиийэ тарҕаммыттара. Людмила Петровна үөрэппит-уһуйбут үөрэнээччилэрэ билигин ситиһиилээх учууталлар, быраастар, тэрилтэ салайааччылара.

Денисов Василий Павлович – директор, физкультура учуутала. 2012 с. илин эҥэр улуустар икки ардыларынааҕы «Бастыҥ эдэр учуутал» конкурс призера. Хайыһарынан сүүрүүгэ улуус проегын автора. Дьарыктыыр оҕолоро улуустааҕы хайыһар күрэҕин призердара. Сатабыллаах эдэр салайааччы туруорсуутунан оскуолаҕа элбэх оборудование, кабинет-лабораториялар баар буоллулар.   

Рязанская Ирина Дмитриевна – завуч, саха тылын, литературатын учуутала. «СР Үөрэ5ириитин Туйгуна», «Үөрэнээччилэр биһирэбиллэрин ылбыт учуутал» бэлиэлэр, СР ҮөМ Бочуотунай Грамотатын хаһаайката. Ирина Дмитриевна –  дириҥ билиилээх, айар талааннаах, сахалыы толкуйдаах, саха омук үтүө үгэһин эдэр көлүөнэҕэ тиэрдэр учуутал. Үөрэтэр оҕолоро улуустааҕы, региональнай, республиканскай олимпиадалар хас да төгүллээх призердара, лауреаттара, айар, уус-уран, научнай ааҕыы күрэхтэргэ өрүү миэстэлэһэллэр, лауреат үрдүк аатын ылаллар.    

Яковлева Варвара Дмитриевна – история, обществознание учуутала. Киэҥ билиилээх уопуттаах учуутал методическай үлэлэрэ улууска тарҕаммыттара. Үөрэнээччилэрэ историяҕа уонна английскай тылга улуус олимпиадаларыгар ситиһиилээхтик кытталлар. Оскуола, нэһилиэк историятын суруйуутун көҕүлээччи, саҕалааччы. Хас да сыл оскуола музейын салайааччытынан үлэлээтэ. 

Соловьев Николай Михайлович – физкультура учуутала. Ветераннарга гиирэ спордугар Аан дойду, Россия, СР чемпиона. Гиирэ спордугар, мас тардыһыытыгар республика спордун маастара. «Республикаҕа физкультура уонна спорт сайдыытыгар үтүөлэрин иһин» бэлиэ хаһаайына. Энтузиаст учуутал оҕолору эт-хаан өттүнэн сайыннарыыга утумнаахтык үлэлээн, оҕолоро сылын аайы ыытыллар «В здоровом теле – здоровый дух» улуустаа5ы спортивнай күрэх призердара, дуобакка, остуол тенниһигэр, мас тардыһыытыгар улуус, республика чемпионнара, призердара, Россияҕа тиийэ ситиһиилээхтик кытталлар.

Тарабукина Туйара Константиновна – алын кылаас учуутала, оскуола старшай вожатайа. Айар талааннаах көҕүлээччи, тэрийээччи, иитээччи, уһуйааччы учуутал. Туйара Константиновна үөрэтэр-иитэр оҕолоро мероприятиеларга, араас таһымнаах конкурстарга куруук инники күөҥҥэ сылдьаллар. Кустовой МХ иһинэн ыытыллар «Музейнай  аа5ыылар» учууталлар секцияларын ааҕыыларын лауреата.  

Ларионова Наина Ивановна – алын кылаас учуутала. Наина Ивановна оҕо өй-санаа, билии-көрүү, ыллыыр, үҥкүүлүүр дьоҕурдара сайдарыгар араас хайысхалаах үлэлэри ыытар. Оҕолорун ситиһиилэринэн үөрэнээччи портфолиотугар всероссийскай конкурска тиийэ көхтөөхтүк кыттар.

Федорова Наталья Петровна – алын кылаас учуутала. «Надежда Якутии» бэлиэ, СР ҮөМ Бочуотунай Грамотатын хаһаайката. 2014 с. «Сыл бастыҥ учуутала» улуустааҕы конкурс кыттыылааҕа. «Мой лучший ИКТ урок» улуустааҕы аһаҕас уруоктар конкурстарын призера. Саҥалыы көрүүлээх учуутал методическай үлэлэрэ улууска, региоҥҥа тарҕаммыттара. Оҕолоро улуус метаолимпиада призердара, научнай ааҕыы хас да төгүллээх лауреаттара, призердара.   

Стручкова Валентина Афанасьевна – нуучча тылын, литературатын учуутала. Үөрэнээччилэрэ улуус олимпиадаларын призердара. 2004 с. кини салайар кылааһа улуустааҕы культура Управлениетын «Класс – лучший организатор культурно-эстетической работы» конкурсугар ситиһиилээхтик кыттыбыта.

Никанорова Сардана Николаевна – уруһуй, черчение, технология учуутала. Улуустааҕы Культура эстафетатыгар, айар конкурстарга оҕолорун үэлэлэрэ куруук биһирэнэллэр, лауреат, дипломант үрдүк аатын ылаллар, улуустааҕы, региональнай научнай ааҕыыларга ситиһиилээхтик кытталлар.  

Романова Ирина Егоровна – нуучча тылын, литературатын учуутала. Элбэх саҥа идеялаах кэскиллээх учуутал. 

Руфова Варвара Николаевна – психолог. Улууска оскуола үлэлиир «Чэбдик» проегын сырдатан, 3-с миэстэни ылар чиэскэ тиксибитэ. Оскуола профсоюһун председателэ.

Манна элбэх эдэр кэскиллээх ыччаттар айымньылаахтык үлэлии-хамсыы сылдьаллар: Варламова Наталья Андреевна, Харитонова Мария Петровна – биология, химия, Яковлева Иванна Александровна, Смолин Иван Харионович – математика, Гаврильева Северина Васильевна – нуучча тылын, литературатын,– математика, Руфов Вячеслав Вячеславович – информатика, Иванова Анастасия Валериевна, Митясов Иван Васильевич – английскай тыл учууталларынан.