Оскуола бүгүҥҥүтэ.

       Педагогическай коллектив билиҥҥи олох ирдэбилигэр сөп түбэһиннэрэн, бэйэтин суолун-ииһин тобуларга, үйэлээҕи, кэскиллээҕи киллэрэргэ дьулуһан үлэлиир. Улууска «Саха тыыннаах кыһалар» ситимнэригэр киирэн, саха оҕотун сахалыы кутун-сүрүн уһугуннаран, сиэрдээх киһини иитэн таһаарар туһугар саҥа саҕахтары арыйар баҕалаах, айар-тутар суолу тутуһар.

      Саха оҕотун бэйэтин уйулҕатынан көрөн иитиини-үөрэтиини педколлектив биир улахан соругунан көрөр. Онон иитии үлэтигэр «Түөлбэ үтүө үгэһэ» бырайыагынан үлэлиир.

     Учууталлар саҥа бырайыактары олоххо киллэрэн, оҕолору сырдык эйгэҕэ уһуйаллар. Сыллата идэни үрдэтэр куурустарга, араас өрүттээх семинардарга, конференцияларга сылдьан билиилэрин хаҥаталлар. Хас биирдии оҕону бэйэтин баҕатынан, кыаҕынан сайыннарар сыалтан  араас хайысхалаах куруһуоктар, уруок таһынан дьарыктар ыытыллаллар. Опыттаах учууталлар эдэр коллегаларыгар сүбэ-ама, күүс-көмө буолаллар.

    2014-2015 үөрэх дьылыгар оскуолаҕа 44 оҕо үөрэнэр. Оҕо барыта кылаас таһынан дьарыктарга, куруһуоктарга, секцияларга дьарыктанар, чинчийэр үлэнэн хабыллар.              Оскуола төрөппүттэри кытта ыкса сибээстээхтик үлэлиир. Төрөппүттэр бары тэрээһиннэргэ көхтөөх кыттыыны ылаллар, кылаас чаастарын, күрэхтэһиилэри тэрийэн ыыталлар. Оскуола тупсаҕай буоларыгар тустаах көмөнү оҥороллор.

     Оҕолор сылаас, ыраас, кэрэ көстүүлээх дьиэҕэ-уокка үөрэнэллэрин туһугар 9 техническэй үлэһит  кыһанан, сыралаһан үлэлиир. Минньигэс астаах оскуолабыт остолобуойун үлэһиттэрэ: Ефимова Е.Г., Васильева И.Н. Оскуола ырааһын мэлдьи үрдүк таһымҥа хааччыйар дьоммут: Соловьева О.И., Гоголева М.К. Оскуола ис-тас өттүгэр үтүө суобастаахтык үлэлиир үлэһиттэрбит: Лавров П.Я., Шестаков П.И., Яковлев В.В., Рязанскай А.К. Кинигэ алыптаах эйгэтигэр умсугутар библиотекарь Винокурова М.А., оскуола үбүн-харчытын тыырар бухгалтер Гаврильева З. П.