Иллэҥ кэми – туһалаахтык.

     Оскуолабытыгар хас биирдии оҕо дьоҕурун, талаанын таба көрөн сайыннарар, иллэҥ кэмин сөпкө аттаран атаарарыгар көмөлөһөр, олоххо бэйэтин миэстэтин булунарыгар олук буолар сыаллаах эбии үөрэхтээһин куруһуоктара, спортивнай секциялар хас да сыл устата үлэлииллэр.

            Чинчийэр үлэ ымпыгар-чымпыгар уһуйуллан, КОМО иһинэн сылын аайы ыытыллар «Музейнай ааҕыыларга» оҕолор ситиһиилээхтик кытталлар. Онтон кынаттанан  улуус, республика таһымнаах ааҕыыларга баран оскуолабыт аатын көмүскүүллэр. Ол курдук, 2013-2014 үө.дь. «Инникигэ хардыы» республиканскай научнай-практическай конференцияҕа V кылаас үөрэнээччитэ Ефимова Саша «Саха остуоруйаларынан интеллектуальнай оонньуу» үлэтинэн II миэстэни ылары ситиспитэ. (сал.Пестерева Л.П.) VIII кылаас үөрэнээччитэ Васильева Сахайаана региональнай түһүмэххэ кыттыыны ылбыта.(сал.Рязанская И.Д.)

            Эбии дьарыктааһын чэрчитинэн «Айыллаа» вокальнай куруһуок 2012 с. үлэлиир. Салайааччы Романова Мария Васильевна элбэх оҕону ырыа алыптаах эйгэтигэр уһуйар. Ону тэҥэ «Үргэл» үҥкүү бөлөҕүн ситимнээхтик дьарыктыыр. Оҕолор “Полярная звезда», «Бриллиантовые нотки» республиканскай куонкурустар  лауреаттарын уонна дипломманнарын  аатттарын ылбыттара.        

         Оҕо эт-хаан, өй-санаа өттүнэн сайдыылаах, чөл туруктаах, доруобай буоларын ситиһэр инниттэн оскуолаҕа араас көрүҥнэргэ спортивнай секциялар үлэлииллэр. Соловьев Николай Михайлович дуобакка, остуол тенниһигэр дьарыктыыр оҕолоро улууска, республикаҕа бириистээх миэстэлэртэн түспэттэр.

         Оскуолабытыгар «Уран тарбах» куруһуога (сал. Никанорова С.Н.) таһаарыылаахтык үлэлиир. Оҕолор илиинэн оҥоһукка, иискэ сатабылларын утумнаахтык сайыннараллар. Республика, улуус таһымнаах күрэхтэргэ ситиһиилээхтик кытталлар.

          Нэһилиэк историятын хомуйууга үлэни учуутал 

Яковлева В.Д. кыһамньылаахтык салайар. Бу хайысханан оҕолор научнай-практическай конференцияларга кытталлар, музей матырыйаалын хаҥаталлар.

        Үөрэх саҥа ирдэбилигэр олоҕуран, кыра кылаас оҕолоругар араас хайысхалаах куруһуоктар ситимнээхтик үлэлииллэр.

         «Квилдос»  үлэ-сынньалаҥ лааҕыра сылын аайы үлэлиир. Салайааччы Никитин Василий Никитич  салалтатынан оҕолор кирпииччэ оҥорорго үөрэнэллэр. Лааҕыр үлэтин көрүүгэ республикаҕа уонна улууска сыллата бириистээх миэстэҕэ тиксэллэр.

          Маны таһынан Нестерева Любовь Васильевна салайааччылаах «Азимут» туристическай лааҕыр таһаарыылаахтык үлэлээбитэ.  

         Биһиги уһуйааччыларбыт, эбии үөрэхтээһин салайааччылара бииргэ сомоҕолоһон, биир санаанан салайтаран, олоххо бэлэмнээх, ыарахаттартан чаҕыйбат, кэрэҕэ-сырдыкка, билиигэ-көрүүгэ тардыһар оҕону иитэн таһаарарга бары кыахтарын уураллар.